malayalam news

സി.പി.എം, കോണ്‍ഗ്രസ് നേതാക്കള്‍ ബി.ജെ.പിയില്‍ ചേര്‍ന്നു


തിരുവാനന്തപുരം • തിരുവനന്തപുരം മാറനല്ലൂരില്‍ സി.പി.എം, കോണ്‍ഗ്രസ് പ്രാദേശിക നേതാക്കള്‍ പാര്‍ട്ടി വിട്ട് ബി.ജെ.പിയില്‍ ചേര്‍ന്നു. മാറനല്ലൂര്‍ പഞ്ചായത്തില്‍ പെരുമുള്ളൂര്‍ വാര്‍ഡിലെ സി.പിഎം, കോണ്‍ഗ്രസ് പാര്‍ട്ടികളില്‍ നിന്ന്  മുപ്പതോളം പ്രവര്‍ത്തകരും കുടുംബങ്ങളുമാണ് ബി.ജെ.പിയിലേക്ക് ചേക്കേറിയത്. പെരുമുള്ളൂരില്‍ നടന്ന സ്വീകരണ പരിപാടിയില്‍ ബി.ജെ.പി ജില്ലാ പ്രസിഡന്റ് അഡ്വ. വി.വി. രാജേഷ് പുതിയ അംഗങ്ങളെ സ്വീകരിച്ചു.

വാര്‍ഡ് മെമ്പറും പാര്‍ട്ടി ജില്ലാ കമ്മറ്റിയംഗവുമായ കുമാരി മായ പി.എസ്. അധ്യക്ഷത വഹിച്ചു. ദക്ഷിണ മേഖലാ സെക്രട്ടറി മുക്കംപാലംമൂട് ബിജു, മണ്ഡലം പ്രസിഡന്റ് പള്ളിച്ചല്‍ ബിജു, മണ്ഡലം ജനറല്‍ സെക്രട്ടറിമാരായ സുധീഷ് കുന്നുവിള, കാട്ടാക്കട ഹരി, സംസ്ഥാന സമിതിയംഗം എരുത്താവൂര്‍ ചന്ദ്രന്‍, ജില്ലാ കമ്മറ്റിയംഗം തൂങ്ങാംപ്പാറ ബാലകൃഷ്ണന്‍, പഞ്ചായത്ത് കമ്മറ്റി പ്രസിഡന്റ് ഇന്ദുകുമാര്‍, ജനറല്‍ സെക്രട്ടറി സാബു എസ്. രംഗന്‍, വാര്‍ഡ് പ്രസിഡന്റ് വിജയകുമാര്‍, യുവമോര്‍ച്ച പഞ്ചായത്ത് പ്രസിഡന്റ് അജിത്ത്, വിഷ്ണു എന്നിവര്‍ പങ്കെടുത്തു.