തി​രു​വ​ന​ന്ത​പു​രം: കെ​എ​സ്‌ആ​ര്‍​ടി​സി​യി​ല്‍ അ​ടി​മു​ടി അ​ഴി​ച്ചു​പ​ണി ആ​വ​ശ്യ​മെ​ന്ന് മാ​നേ​ജിം​ഗ് ഡ​യ​റ​ക്ട​ര്‍ ബി​ജു പ്രഭാകറിന് എതിരെ പ്രതിഷേധവുമായി ജീവനക്കാര്‍.  എ​ല്ലാ മേ​ഖ​ല​ക​ളി​ലും വ്യാ​പ​ക​മാ​യ അ​ഴി​മ​തി​യും ക്ര​മ​ക്കേ​ടും ക​ണ്ടെ​ത്തി​യ​താ​യും അ​ദ്ദേ​ഹം ഒ​രു ചാ​ന​ലി​ന് ന​ല്‍​കി​യ അ​ഭി​മു​ഖ​ത്തി​ല്‍ ആ​രോ​പി​ച്ചിരുന്നു. 2012 മു​ത​ല്‍ 2015 വ​രെ​യു​ള്ള കാ​ല​യ​ള​വി​ല്‍ കെ​എ​സ്‌ആ​ര്‍​ടി​സി​യു​ടെ 100 കോ​ടി​യോ​ളം രൂ​പ കാ​ണാ​നി​ല്ല. അ​ന്ന് അ​ക്കൗ​ണ്ട്​സ് മാ​നേ​ജ​രാ​യി​രു​ന്ന വ്യ​ക്തി​ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്നും എം​ഡി പ​റ​ഞ്ഞു.

ഇ​പ്പോ​ള്‍ ചിലര്‍ സി​എ​ന്‍​ജി​യെ എ​തി​ര്‍​ക്കു​ന്ന​ത് ഡീ​സ​ല്‍ വെ​ട്ടി​പ്പ് തു​ട​രാ​ന്‍ വേ​ണ്ടി​യാ​ണ്. ഡീ​സ​ലി​ല്‍ മാ​ത്ര​മ​ല്ല, ടി​ക്ക​റ്റ് മെ​ഷീ​നി​ലും ത​ട്ടി​പ്പ് ന​ട​ക്കു​ന്നു​ണ്ട്. മെഷീനില്‍ ഉള്‍പ്പെടെ കൃത്രിമം കാട്ടി വന്‍ തുക കൊള്ളയടിക്കുന്നതായി കണ്ടെത്തിയെന്നും എംഡി പറഞ്ഞു. പ​ത്ത് ശ​ത​മാ​നം ജീ​വ​ന​ക്കാ​രെ​ങ്കി​ലും ഇ​ത്ത​രം പ്ര​വ​ര്‍​ത്തി​ക​ളി​ല്‍ ഏ​ര്‍​പ്പെ​ടു​ന്നു​ണ്ടെ​ന്നും ബി​ജു പ്ര​ഭാ​ക​ര്‍ കു​റ്റ​പ്പെ​ടു​ത്തിയിരുന്നു.

ഇതിനെതിരെയാണ്  പ്രതിഷേധവുമായി ജീവനക്കാര്‍ രംഗത്തെത്തിയത്. ട്രാന്‍സ്‌പോര്‍ട്ട് ഡെമോക്രാറ്റിക് ഫെഡറേഷനാണ് പ്രതിഷേധം സംഘടിപ്പിക്കുന്നത്. തൊഴിലാളികളെ അപമാനിച്ചുവെന്ന് ആരോപിച്ചാണ് പ്രതിഷേധം. തിരുവനന്തപുരം ട്രാന്‍സ്‌പോര്‍ട്ട് ഭവന് മുന്നില്‍ ഐ എന്‍ ടി യു സിക്കാര്‍ എം ഡിക്ക് എതിരെ പ്രതിഷേധിച്ചു. തിങ്കളാഴ്‌ച സംസ്ഥാന വ്യാപകമായി പ്രതിഷേധം നടത്തുമെന്ന് ഐ എന്‍ ടി യു സി അറിയിച്ചു. ജീവനക്കാര്‍ക്കെതിരെ പ്രതികരണം നടത്തിയ ബിജു പ്രഭാകറിന് എതിരെ വിവിധ യൂണിയനുകളുടെ ഭാഗത്ത് നിന്ന് ശക്തമായ പ്രതിഷേധമാണ് ഉയരുന്നത്.

സ്ഥാപനം ചെളിക്കുണ്ടില്‍ കിടക്കണമെന്ന് ആഗ്രഹിക്കുന്നവരാണ് മാറ്റങ്ങളെ എതിര്‍ക്കുന്നത്. ഷോപ്പിംഗ് കോംപ്ലക്‌സുകള്‍ നിര്‍മ്മിച്ചത് വേണ്ട പഠനമില്ലാതെയാണ്. ജീവനക്കാര്‍ കൂടുതലാണ്. ചിലര്‍ ജോലി ചെയ്യാതെ ഇഞ്ചിയും മഞ്ഞളും കൃഷി ചെയ്യുന്നു. അവര്‍ക്ക് പകരം എം പാനലുകാരാണ് ജോലി ചെയ്യുന്നത്. സി എന്‍ ജിയെ എതിര്‍ക്കുന്നത് ട്രിപ് ദൂരം കൂട്ടിക്കാണിച്ചുളള ഡീസല്‍ വെട്ടിപ്പ് തുടരാനാണെന്നും ബിജുപ്രഭാകര്‍ ആരോപിച്ചിരുന്നു.