Digital Malayali Web Desk June 28, 2022, 04:14 p.m.
തിങ്കളാഴ്ച രാവിലെ ഒന്‍പതിന് പ്ലസ് വണ്‍ പരീക്ഷയ്ക്കായി സ്‌കൂളിലേക്ക് സഹോദരനോടൊപ്പം സ്‌കൂട്ടറില്‍ പോകവേയായിരുന്നു അപകടം.
കോട്ടയം: വാഹനാപകടത്തില്‍പെട്ട് അതീവ ഗുരുതരാവസ്ഥയില്‍ ചികിത്സയിലായിരുന്ന പെണ്‍കുട്ടി മരിച്ചു. കോട്ടയം കൊല്ലാട് വടവറയില്‍ ആലിച്ചന്‍-സിസിലി ദമ്ബതികളുടെ മകള്‍ സാറ ആലി (17) യാണ് മരിച്ചത്.
തിങ്കളാഴ്ച രാവിലെ ഒന്‍പതിന് പ്ലസ് വണ്‍ പരീക്ഷയ്ക്കായി സ്‌കൂളിലേക്ക് സഹോദരനോടൊപ്പം സ്‌കൂട്ടറില്‍ പോകവേയായിരുന്നു അപകടം.
സഹോദരന്‍ അഡ്വിനൊപ്പം യാത്ര ചെയ്യുന്നതിനിടെ കൊല്ലാട് കളത്തിക്കടവില്‍ വച്ച്‌ മറ്റൊരു ഇരുചക്ര വാഹനവുമായി കൂട്ടിയിടിച്ചാണ് പെണ്‍കുട്ടിക്ക് പരിക്കേറ്റത്. കോട്ടയം മെഡിക്കല്‍ കോളജിലെ വെന്റിലേറ്ററിലായിരുന്ന പെണ്‍കുട്ടി ഇന്ന് പുലര്‍ച്ചെ മരിച്ചു.
കോട്ടയം ബേക്കര്‍ മെമോറിയല്‍ ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ത്ഥിനിയായിരുന്നു. വാഹനങ്ങള്‍ കൂട്ടിയിടിച്ചതിന് പിന്നാലെ ഹെല്‍മറ്റ് തെറിച്ച്‌ പോയതാണ് തലയ്ക്ക് പരിക്കേല്‍ക്കാന്‍ കാരണം. പരിക്കേറ്റ സഹോദരന്‍ കോട്ടയത്തെ സ്വകാര്യ ആശുപത്രിയില്‍ ചികിത്സയിലാണ്.
ഇവിടെ കൊടുക്കുന്ന അഭിപ്രായങ്ങൾ ഡിജിറ്റൽ മലയാളിയുടേതല്ല. വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക്.
