Crime Entertainment Sports Politics opinion pravasam Media Education Agriculture Lifestyle Travel Health Religion Business Obituary Literature art & culture


ബുറേവി ചുഴലിക്കാറ്റ്; തിരുവനന്തപുരമടക്കം അഞ്ച് ജില്ലകളില്‍ നാളെ പൊതു അവധി

janmabhumi-ad

Digital Malayali Web Desk December 03, 2020, 10:04 p.m.

ചുഴലിക്കാറ്റ് ഭീഷണിയെത്തുടർന്ന് വെള്ളിയാഴ്‌ച തിരുവനന്തപുരം വിമാനത്താവളം അടച്ചിടുമെന്ന് അധികൃതർ വ്യക്തമാക്കിയിരുന്നു


തിരുവനന്തപുരം: ബുറെവി ചുഴലിക്കാറ്റിന്റെ സഞ്ചാരപഥത്തിലുള്ള അഞ്ചു ജില്ലകളിൽ വെള്ളിയാഴ്ച (ഡിസംബർ 4) പൊതു മേഖലാ സ്ഥാപനങ്ങൾ ഉൾപ്പെടെയുള്ള ഓഫീസുകൾക്ക് സർക്കാർ പൊതു അവധി പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി ജില്ലകളിലാണ് പൊതു അവധി.
ദുരന്ത നിവാരണം, അവശ്യ സർവീസുകൾ, തിരഞ്ഞെടുപ്പ് ചുമതലകൾ എന്നിവയ്ക്ക് അവധി ബാധകമായിരിക്കില്ല.

ചുഴലിക്കാറ്റ് ഭീഷണിയെത്തുടർന്ന് വെള്ളിയാഴ്‌ച തിരുവനന്തപുരം വിമാനത്താവളം അടച്ചിടുമെന്ന് അധികൃതർ അറിയിച്ചിട്ടുണ്ട്. മുൻകരുതലിൻ്റെ ഭാഗമായി രാവിലെ പത്ത് മണിമുതൽ വൈകീട്ട് ആറുവരെ പ്രവർത്തനം നിർത്തിവയ്‌ക്കുമെന്ന് എയർപോർട്ട് അധികൃതർ അറിയിച്ചതായി ജില്ല കളക്‌ടർ ഡോ. നവ്‌ജ്യോത് ഖോസ വ്യക്തമാക്കി.

ബുറേവി വെള്ളിയാഴ്‌ച ഉച്ചയോടെ തിരുവനന്തപുരം ജില്ലയിൽ പ്രവേശിക്കുമെന്നാണ് കാലാവസ്ഥ നിരീക്ഷണ കേന്ദ്രം നൽകുന്ന മുന്നറിയിപ്പ്. ഈ സാഹചര്യത്തിലാണ് വിമാനത്താവളത്തിൻ്റെ പ്രവർത്തനം നിർത്തിവച്ചത്.

അതേസമയം, ബുറേവി ചുഴലിക്കാറ്റിനെ നേരിടാൻ സംസ്ഥാന സർക്കാർ സജ്ജമാണെന്ന് മുഖ്യമന്ത്രി പിണറായി വിജയൻ പറഞ്ഞു. മുന്നറിയിപ്പുള്ള ജില്ലകളിൽ നിന്ന് ആളുകളെ മാറ്റാൻ 2891 ദുരിതാശ്വാസ ക്യാമ്പുകൾ തയ്യാറാണ്. എല്ലാ ജില്ലകളിലും 24 മണിക്കൂറും പ്രവർത്തിക്കുന്ന ദുരിതാശ്വാസ ക്യാമ്പുകൾ തയ്യാറായി കഴിഞ്ഞു. ചുഴലിക്കാറ്റ് കേരളം കടന്ന് പോകുന്നതുവരെ അതീവ ജാഗ്രത വേണമെന്നും മുഖ്യമന്ത്രി പറഞ്ഞു.

JOIN THE DISCUSSION

ഇവിടെ കൊടുക്കുന്ന അഭിപ്രായങ്ങൾ ഡിജിറ്റൽ മലയാളിയുടേതല്ല. വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക്.

Related News

Editor's Pick